Laugardaginn 15. mars komu 25 manns úr kólumbíska flóttamannahópnum sem kom til landsins í október síðastliðnum í heimsókn í Borgarbókasafnið í Grófarhúsi. Starfsmenn kynntu safnið á spænsku fyrir bæði börn og fullorðna.Markmið heimsóknarinnar var að kynna safnið sem stað þar sem hægt er að nálgast bókmenntir, tónlist, bíómyndir og myndlist, og einnig sem stað þar sem hægt er að lesa blöðin, læra og finna bæði upplýsingar og góðan félagsskap. Sérstök áhersla var lögð á að benda þessum nýju íbúum á að safnið er opið öllum, hvaðan sem þeir koma og að þjónusta þess er ódýr og í boði alla daga.
