Töluverð aukning var í heimsóknum í Borgarbókasafn og útláni efnis á síðasta ári miðað við árið á undan. Árið 2007 voru gestir í Borgarbókasafni 572.119 en í fyrra voru þeir 632.470. Útlánin fóru úr 958.380 árið 2007 upp í 1.036.500 árið 2008. Útlánin hafa aukist jafnt og þétt undanfarna mánuði, útlánin núna í janúar voru t.d. 18% meiri en í janúar á síðasta ári. Ef svo heldur áfram verður spennandi að sjá hver útkoman verður í árslok.
Einnig var aukning í útleigu á listaverkum úr Artótekinu á árinu. Árið 2007 voru 103 listaverk leigð út en í fyrra voru þau 141. Ný verk voru 221 árið 2007 en 232 árið 2008. Á miðnætti 31. desmeber voru samtals 180 listaverk í útláni úr Artótekinu.
