Fréttayfirlit

Nemendurnir í 4. bekk í Hlíðaskóla sýndu aldeilis hversu mikið ríkidæmi er í margbreytileika mannslífsins fimmtudaginn 26. mars. Í hópnum var samankominn fjöldi mismunandi menningarheima, ýmis þjóðerni og tungumál, táknmál þar á meðal, margskonar áhugamál og spennandi sýnishorn af mat og drykk, tónlist og dansi. Kanadískt síróp, danskt hyldeblomstsaft, íslenskt söl, íslenskir breikarar, steinar og aðrir gripir héðan og þaðan af Íslandi voru á meðal þess sem boðið var upp á. Um hundrað foreldrar komu til að fræðast um menningarheima barnanna og var mikil stemning á mótinu. Nemendur voru einnig mjög ánægðir og nefndu að þeir hefðu lært heilmikið, s.s. hvað tungumál er talað í Skotlandi og hvað forseti Kína heitir og aðrir tóku fram að það hefði verið gaman að vinna í hóp og kynna.
 
Fljúgandi teppi er frí þjónusta sem er unnin á vegum Borgarbókasafns í samstarfi við kennara og aðra. Verkefnið er eitt af fjölmenningarlegum verkefnum safnsins og hafa bæði börn og fullorðnir tekið þátt í menningarmótum.

Skólar, leikskólar, frístundarheimili og aðrir sem hafa áhuga geta haft samband við verkefnastjóra fjölmenningar, Kristínu R. Vilhjálmsdóttur.
kristin.r.vilhjalmsdottir@reykjavik.is
s: 4116122 / 6181420

Kynntu þér menningarmótin betur