Í getraun síðasta mánaðar var spurt um snoppufríða kvikmyndaleikara og myndir sem þeir höfðu leikið í. Annars vegar var spurt um myndir þar sem þeir höfðu slegið í gegn sem ungir óróaseggir og hins vegar myndir þar sem þeir höfðu mátt sæta útlits- og aldursbreytingum.
Leikarnir eru: Marlon Brando, James Dean og Brad Pitt. Myndirnar sem þeir slógu í gegn í eru: A streetcar named Desire (Marlon Brando), A rebel without a cause (James Dean) og Thelma og Louise (Brad Pitt). Nöfn myndanna þar sem umræddir leikarar sættu hinum róttæku útlitsbreytingum eru: The Godfather (Marlon Brando), Giant (James Dea:n) og The curious case of Benjamin Button (Brad Pitt).
