Laugardagur 16. janúarLjóðaslamm á laugardegi Frá kl. 14:00 – 16:30 Þriðja ljóðaslamm Borgarbókasafns Reykjavíkur verður haldið föstudaginn 12. febrúar. Að þessu sinni er þemað „væmni“, sem ætti að bjóða uppá fjölbreyttar hugleiðingar – fjarri kreppu og barlómi. Af þessu tilefni bjóðum við upp á runusýningu í Kamesinu á frábærum töktum frá fyrri slömmum þar sem þemu voru „spenna“ og „hrollur“!
Sunnudagur 17. febrúar. Heimildir í hávegum: Undur vatnsins eftir Pál Steingrímsson Kl. 14:00, 15:00 og 16:00 Á næstunni er fyrirhugað að bjóða í Kamesinu upp á sýningar á völdum heimildamyndum eftir íslenska kvikmyndagerðarmenn undir fyrirsögninni Heimildir í hávegumVið tökum smá forskot á sæluna með nýlegri verðlaunamynd eftir Pál Steingrímsson sem ber heitið Undur vatnsins. Páll er margverðlaunaður kvikmyndagerðarmaður og fyrrum borgarlistamaður með meiru. Fyrirtæki Páls Kvik kvikmyndagerð hefur á undanförnum árum gert margar af myndum hans aðgengilegar almenningi með útgáfu þeirra á mynddiskum.
Kamesið er lítið fjölnotarými á 5. hæð Grófarhúss. Það hentar vel til viðburða af ýmsu tagi s.s. sýninga á kvikmyndum og videoverkum, upplesturs, söguflutnings, kynninga, uppistands, leiksýninga, tónleika og fleiri uppákoma sem ekki þarfnast stórs rýmis og fjölda flytjenda. Líklegt er að stutt atriði henti betur en löng en það á eftir að koma í ljós. Dagskráin er í mótun.Ef þú átt í fórum þínum frumsamið efni, demó eða býrð yfir hæfileikum sem þú vilt koma á framfæri eða ef þú veist af einhverju sem gæti hentað fyrir Kamesið, hafðu endilega samband við sigurd.jakobsson@reykjavik.is
