Fréttayfirlit

Getraunin tengist að þessu sinni viskí, tónlist og kvikmyndum.

Spurt er um nafna tvo. Báðir eru þeir tiltölulega nýlátnir. Annar var einn frægasti bjór- og viskískríbent veraldar, hinn varð kornungur stjarna í hópi heimsþekktra söngbræðra. Hann hóf  sólóferil, varð af mörgum talinn konungur poppsins og giftist rokkkonungsdóttur. Sá kóngur var einnig kunnur fyrir leik sinn í kvikmyndum, sem flestar þóttu reyndar sífellt slakari eftir því sem þeim fjölgaði.

Nú er spurt:
1. Hvað hétu þeir nafnar?
2. Hvað hét rokkkóngurinn?
og
3. Hvað hét fyrsta myndin sem hann lék í?

Verðlaunin eru sem fyrr, gjafakort fyrir nýju skírteini eða endurnýjun á því gamla. Sendið svör á gudridur.sigurbjornsdottir@reykjavik.is . Dregið verður úr réttum lausnum í lok mánaðarins.