Þann 16. maí hélt IBBY á Íslandi (The International Board on Books for Young People) Vorvindahátíð í Gunnarshúsi þar sem veittar voru fjórar viðurkenningar fyrir gott framlagt til barnamenningar á Íslandi. Kristín Arngrímsdóttir, listamaður og starfsmaður Borgarbókasafns, var í hópi þeirra sem fékk viðurkenningu fyrir bók sína Arngrímur apaskott og fiðlan en hún kom út hjá Sölku í desember síðastliðnum. Þess má til gamans geta að Kristín fékk einnig Fjöruverðlaunin, bókmenntaverðlaun kvenna, fyrir bók sína, í mars á þessu ári.
Aðrir sem hlutu viðurkenningu IBBY voru:Halldór Baldursson fyrir myndskreytingar á barnabókumIðunn Steinsdóttir fyrir rithöfundaferilMenningarmiðstöðin Gerðuberg fyrir öflugt menningarstarf fyrir börn
IBBY á Íslandi hefur veitt viðurkenningar fyrir framlag til barnamenningar allt frá árinu 1987 og hafa næstum sjötíu aðilar hlotið slíka viðurkenningu.
Halldór Baldurson, Iðunn Steinsdóttir, Guðrún Dís Jónatansdóttir, Kristín Arngrímsdóttir og nafna hennar og barnabarn. (Mynd af heimasíðu IBBY)
