Vefsíða Borgarbókasafns

28 börn á aldrinum 8 til 12 ára tóku þátt í ritsmiðjunni í Gerðubergssafni í ár. Gerður Kristný rithöfundur og leiðbeinandi á námskeiðinu notaði ýmsar aðferðir til að örva ímyndunarafl barnanna. Hún sýndi þeim t.d. dularfullar myndir, þau veiddu orð úr orðakrukku og hún sagði frá því hvaða aðferðum hún beitti sjálf til að fá nýjar hugmyndir að sögum. Síðasta daginn var útgáfuteiti þar sem ritsmiðirnir lásu upp úr verkum sínum. Um 70 gestir mættu og var boðið upp á skúffuköku, kringlur, kaffi og safa.