Í tilefni sýningarinnar Baby's in Black og afmæli John Lennons 9. október verður stillt út efni um og eftir Bítlana og John Lennon á 5. hæð aðalsafns Borgarbókasafns og sýndar kvikmyndir í sýningarsalnum kamesi.
Laugardaginn 8. október, kl. 15.00, verður sýnd kvikmyndin Backbeat (1997), en hún fjallar einmitt um upphafsár Bítlanna og tímabilið í Hamborg (http://www.imdb.com/title/tt0106339/).
Sunnudaginn 9. október, kl. 15.00 verður sýnd kvikmyndin Nowhere Boy (2009), en þar er fjallað um uppvaxtarár John Lennons (http://www.imdb.com/title/tt1266029/).
Þess má geta að þessar kvikmyndasýningar eru upphafið að frekari sýningum á kvikmyndum tengdum Lennon.
Athygli skal vakin á að í tón- og myndeild safnsins á fimmtu hæð er nú einnig að finna eitt af fjórum minningahylkjum um John Lennon sem gerð voru í í fyrra í samvinnu BoxofVision LCC, Rock and Roll Hall of Fame and Museum og Yoko Ono og opna á 100 ára fæðingarafmæli John Lennons 9. október 2041.
