Síðastliðið sumar efndu Borgarbókasafn og Mannréttindaskrifstofa Reykjavíkur til samkeppni um nafn á listaverk sem unnið var af Söguhring kvenna undir stjórn Lilianne Vorstenbosch, myndlistakennara. Verkið var afhjúpað við hátíðlega athöfn í Ráðhúsinu á Fjölmenningardegi borgarinnar, laugardaginn 14. maí. Nánar um samkeppnina
Fjölmargar tillögur að nafni bárust og er nú komið að því að tilkynna hvaða tillaga bar sigur úr bítum. Athöfnin fer fram í Söguhring kvenna, sunnudaginn 4. desember kl. 14 á 1. hæð í aðalsafni, Tryggvagötu 15. Tékkneska söngkonan Jitka Stara syngur á ýmsum tungumálum. Boðið verður upp á veitingar. Margrét Kristín Blöndal, Magga Stína, verður kynnir.
Allir velkomnir!
