Fimmtudaginn 8. desember, á dánardegi John Lennons, verður myndin Lennon Legend : the very best of John Lennon sýnd í Kamesinu, á 5. hæð í aðalsafni. Myndin var gerð árið 2003 en í henni eru flest af bestu og þekktustu lögum John Lennons frá sólóferlinum með fjölbreyttum og stundum sjaldséðum myndskeiðum. Myndin verður sýnd allan daginn frá kl. 10-19. Við vekjum líka athygli á að í tón- og mynddeild á 5. hæð aðalsafns er að finna margvíslegt efni um og eftir Lennon, meðal annars allar sólóplöturnar. Þar er líka í útstillingu eitt af þremur minningahylkjum um hann sem gerð voru í í fyrra í samvinnu BoxofVision LCC, Rock and Roll Hall of Fame and Museum og Yoko Ono. Minningahylkin á að opna á 100 ára fæðingarafmæli John Lennons 9. október 2041.
