Fíasól er fjörug stelpa sem fer sínar eigin leiðir. Bækurnar um hana hafa notið mikilla vinsælda hjá íslenskum börnum og hafa þær t.d. þrisvar sinnum hlotið bókaverðlaun barnanna sem valin eru af 6-12 ára börnum.
Bækurnar um Evu og Adam hafa notið gífurlegra vinsælda. Eva og Adam eru vinir í byrjun en byrja síðan á föstu og það gengur ekki áfallalaust fyrir sig.
Artemis Fowl er ekki nema tólf ára en afburðagreindur og bráðsnjall glæpamaður.
Bækurnar segja frá ævintýrum Tarans og félögum hans. Taran er aðstoðarsvínahirðir en dreymir um að vera mikil og fræg hetja.
Dóttir ávítarans fjallar um Dínu, ellefu ára telpu, sem hefur erft auga og hæfileika móður sinnar. Með augnráðinu einu saman fær hún jafnvel harðsvírustu afbrotamenn til að horfast í augu við misgjörðir sínar.
Sjálfstætt framhald hinna vinsælu Spiderwicksagna. Tveir krakkar komast að því að Leiðarvísir Artúrs Spiderwick er ekki neitt ævintýri heldur raunverulegur leiðarvísir inn í hulda heima.
Draumur Láru um að eignast hest rætist þegar foreldrar hennar flytjast í sveit. Hún fær líka bók um venjulegan hest sem breytist í mjallhvítan einhyrning og þá flýgur henni í hug: Gæti Skyggnir minn kannski líka...?
Bækurnar um Elías eru óborganlega skemmtilegar. Elías er fyndið ólíkindatól og fjölskylda hans ekki síður.
Gyllti áttavitinn er fyrsta bók margverðlaunaðs þríleiks Philips Pullman um stúlkuna Lýru sem elst upp í fullkomnu öryggi innan um fræðimennina í Jórdanarskóla á Englandi.
Er einhver sem ekki þekkir Harry Potter? Ef svo er þá hlýtur hinn sami að hafa búið í helli fjarri mannabyggðum í mörg ár :o)
Sagan Ljónadrengurinn segir af óvenjulegum dreng sem getur talað tungumál kattardýra og lendir í ógleymanlegum ævintýrum á ferðalagi með farandsirkus.
Undarlegir hlutir gerast í þorpinu þar sem Tom býr. Fyrst var ráðist á hestana, síðan þornaði áin og nú er búið að brenna uppskeruna. Allir eru flemtri slegnir nema Tom…
Hér segir frá Lucien í London á 21. öldinni. Hann er krabbameinsveikur og rúmliggjandi. En á nóttunni flyst hann til Belezza-borgar á Talíu á 16. öld.
Þrír venjulegir krakkar, Jared, Simon og Mallory Grace, hafa farið inn í annan heim, án þess að yfirgefa þennan.
Eftir lát föður síns reikar Torak um skóginn. Hann kynnist Úlfi og kemst að því að með einhverjum undarlegum hætti getur hann skilið úlfamál og tekur hann því Úlf með sér.
Baudelaire systkinin eiga ekki sjö dagana sæla eftir að foreldrar þeirra farast í stórbruna.
Þegar báðir foreldrar Edda fá sjúkdóm sem gerir þá gula, skapvonda og illa lyktandi er ákveðið að senda Edda til brjáluðu ættingja hans á Heljarþröm.
