Um safnið
Aðalsafn var opnað í Grófarhúsi, Tryggvagötu 15, þann 8. september 2000. Safnið er þar í sambýli við Borgarskjalasafn og Ljósmyndasafn Reykjavíkur. Í næsta húsi, Hafnarhúsinu, er Listasafn Reykjavíkur.
Aðalsafn Borgarbókasafns er á fyrstu, annarri og fimmtu hæð Grófarhúss. Þar er góð aðstaða fyrir almenning til að lesa og leita sér upplýsinga og afþreyingar. Á safninu er einnig fjöldi tölva ætlaður gestum og heitir reitir.
1. hæð
Afgreiðsla safnsins og sjálfafgreiðsluvélar eru á fyrstu hæðinni. Þar er einnig upplýsingaþjónustua fyrir stuttar fyrirspurnir.
Artótekið er á 1. hæðinni en þar er hægt að leigja eða kaupa listaverk eftir samtímalistamenn.
Á Reykjavíkurtorgi er tilvalið að njóta sýninga á verkum listamanna Artóteksins og annarra og setjast niður og lesa dagblöð, tímarit eða bækur yfir kaffibolla.
2. hæð
Íslensk og erlend skáldrit og hljóðbækur eru á annrri hæð safnsins og þar eru einnig veittar upplýsingar skáldverk.
Barnadeild safnsins er á annarri hæð. Þar er hægt að lesa, skoða, spila og spjalla auk þess sem þar er sérhannað pláss fyrir yngstu gesti safnsins. Frá september fram í maí er boðið upp á dagskrá fyrir börn á sunnudögum kl. 15.00. Hægt er að panta sögustundir og safnkynningar fyrir hópa í barnadeildinni.
Á annarri hæð er góð aðstaða fyrir ungt fólk. Þar eru m.a. teiknimyndasögur í úrvali, bæði á íslensku og erlendum málum, tímarit og bókakostur sem höfðar til ungs fólks. Á sumrin stendur safnið fyrir ritsmiðjum þar sem ungu fólki er leiðbeint við að skrifa og yrkja.
5.hæð
Fræðibækur, fræðitímarit og -gögn eru á fimmtu hæðinni og þar er jafnframt aðalupplýsingaþjónusta safnsins. Aðgangur er að tölvum og prentara.
Tón- og mynddeild er einnig á fimmtu hæð. Þar eru geisladiskar, hljómplötur, nótur, myndbönd og mynddiskar auk bóka og tímarita um tónlist og kvikmyndir. Síðast en ekki síst eru þar handbækur um efnið sem hægt er að nota á staðnum. Einnig er ágæt aðstaða til að hlýða á tónlist í safninu.
Fyrirlestra- og sýningarsalur er á sjöttu hæð. Söfnin í Grófarhúsi nýta hann í sameiningu.
Hvaða strætisvagnar stoppa nálægt safninu?
Til baka