Bókasafnsdagurinn 2017 | Lestur er bestur

Föstudaginn 8. september verður hinn árlegi Bókasafnsdagur haldinn hátíðlegur líkt og undanfarin ár. Í ár verður þema dagsins tengt lýðræðinu "Lestur er bestur - fyrir lýðræðið" þar sem lögð verður áhersla á að vekja athygli á mikilvægi bókasafna í samfélaginu.

Á Borgarbókasafninu verður þeim safnkosti sem tengist lýðræðinu með beinum og óbeinum hætti gert hátt undir höfði auk þess sem hægt verður að hlusta á fyrirlestur Birgis Guðmundssonar, dósents við Háskólann á Akureyri sem verður í beinu streymi frá Amtsbókasafninu. Beint streymi frá erindinu verður í Grófinni, Spönginni og í Kringlusafni.

Nánari upplýsingar um Bókasafnsdaginn er að finna á vef Upplýsingar, félags bóka- og upplýsingafræðinga.

Hægt er að fylgjast með Bókasafnsdeginum á samfélagsmiðlum undir myllumerkjunum: #lesturerbestur og #bokasafnsdagurinn. 
Facebook-síða bókasafnsdagsins