Hlaðvarp Borgarbókasafnsins

Hlaðvarp Borgarbókasafnsins hóf göngu sína í júní 2017. Þar skrafar starfsfólk safnsins, sem allt er annálaðir bókaormar, og fleiri góðir gestir, um safnkost og fjölbreytt verkefni Borgarbókasafnsins.

Stöðugt bætist í sarpinn - viltu vita meira um bækurnar á leikfjölunum? Hvað er nýtt á safninu? Barnabækurnar í jólabókaflóðinu? Fylgstu með! Hlaðvarpið er aðgengilegt á Spreaker og í öllum helstu hlaðvarpsforritum, undir notandanafninu Borgarbókasafnið. 

Langar þig að taka upp hlaðvarpsþátt eða annað talað efni? Þú getur bókað Kompuna, hlaðvarpsstúdíó Borgarbókasafnsins í Grófinni, og fengið aðgang að upptökutækjunum okkar! Sendu okkur póst á hladvarp [at] borgarbokasafn.is.

Hlaðvarp Borgarbókasafnsins

Í hlaðvarpi Borgarbókasafnsins skrafar starfsfólk safnsins um nýjar bækur og gamlar, barnabækur, þáttaraðir og hvaðeina sem fyrir augu okkar kemur hér á safninu. Í fyrstu þáttaröðinni sóttum við innblástur í Íslandskort bókmenntanna og lögðum upp í hringferð um landið, þar sem við beindum sjónum okkar að safnkosti sem tengdist hinum ýmsu áfangastöðum. Næst voru það leikhúsbókmenntirnar, Bókmenntir augnabliksins, sem tóku við, og í aðdraganda jólabókaflóðsins buðum við til okkar ungum lestrarhestum til skrafs um nýjar barnabækur. 

Jóladagatal Borgarbókasafnsins 2017

 Þórarinn Leifsson samdi fyrir okkur söguna Jósi, Katla og jólasveinarnir, en við birtum nýjan kafla á hverjum degi í desember. Hér má hlusta á söguna í flutningi höfundar í heild sinni.