Leshringir í Spönginni

Leshringurinn Sveigur

Valin er ein bók í hverjum mánuði sem hópurinn les og fjallar síðan um á næsta fundi. Lesin eru nýleg skáldverk eftir bæði íslenska og erlenda höfunda sem og einstaka ævisaga.
Fyrsti fundur hópsins að haust er í lok ágúst og segir þá hver og einn frá því sem staðið hefur uppúr af þeim bókum sem hann las yfir sumarið. Það sama gerum við á fundi hópsins í lok janúar og ræðum þá hvaða bækur urðu fyrir valinu yfir hátíðarnar.
Leshringurinn hittist ekki í desember, júní og júlí.
Hægt er að skrá sig í leshringinn hvenær sem er ársins, svo framarlega sem það er laust pláss.

Fundir fara fram kl. 17:15-18:30 á Borgarbókasafni Spönginni 2. hæð:

Haust 2021
23. ágúst - Hvað lastu í sumar?
20. september  - Delluferðin / Sigrúnu Pálsdóttur
11. október - Dyrnar / Magda Szabó
15. nóvember - Ferðataskan / Sergej Dovlatov

Ásta H. Ólafsdóttir hefur umsjón með hópnum og skráningum í gegnum netfangið asta.halldora.olafsdottir@reykjavik.is

Leshringurinn Hrútakofinn

Þessi leshringur er ætlaður karlmönnum sem vilja deila sinni lestrarreynslu og kynnast nýju lesefni.  
Á hverjum fundi kemur hópurinn sér saman um ákveðið lestrarþema. Meðlimir velja sér síðan sjálfir bók sem fellur að þeim ramma og kynna hana fyrir hópnum á næsta fundi.

Fundir hjá Hrútakofanum fara fram fyrsta miðvikudag í mánuði kl. 17:30-18:30 á Borgarbókasafni Spönginni 2. hæð.

Umsjón með hópnum og frekari upplýsingar: Gunnar Þór Pálsson
Skráning: hrutakofinnleshringur@gmail.com. 

Fundir í Hrútakofanum:
júlí og ágúst - sumarfrí
2. september 
6. október 
3. nóvember