shutterstock - bækur og stækkunargler

Bókin heim

Borgarbókasafn Reykjavíkur býður upp á heimsendingarþjónustuna Bókin heim. Þessi þjónusta er ætluð öldruðum og öðrum, sem vegna fötlunar eiga ekki heimangengt, og hefur verið í boði allt frá 1974. Gegnum hana er hægt að fá sent heim lesefni, bækur og tímarit, eða tónlist á geisladiskum. Þetta er persónuleg þjónusta þannig að hver lánþegi fær sinn starfsmann til að þjóna sér og fær aðstoð hans við að finna efni til að lesa eða hlusta á. Sendingarnar eru á átta vikna fresti. Vilt þú nýta þér þjónustuna? Best er að hafa samband við safnið í viðkomandi hverfi en einnig er hægt að hringja í síma 411 6100 eða senda okkur tölvupóst.  

Þeir sem eru orðnir 67 ára fá ókeypis bókasafnskort. Bókasöfnin eru öllum opin hvort sem er til að sækja lesefni eða annan safnkost til að taka með sér heim, eða bara til að setjast niður, kíkja í bækur eða blöð, spjalla við náungann eða bara gera ekki neitt. Á safninu eru líka ýmiss konar viðburðir í boði; upplestrar, tónlist, leshringir, bókakaffi og prjónaklúbbar svo fátt eitt sé nefnt.

Viltu fá nánari upplýsingar um þessa þjónustu?

Sendu okkur tölvupóst á borgarbokasafn@borgarbokasafn.is eða hringdu í síma 411 6100.