Röskun á þjónustu | Nýtt bókasafnskerfi á landsvísu

Dagana 30. maí - 13. júní verður innleitt nýtt kerfi á bókasöfnum landsins.

Á meðan á innleiðingu stendur verður þjónusta safnsins takmörkuð við útlán og skil gagna. Við munum halda notendum upplýstum um gang mála og uppfæra þessa tilkynningu eftir þörfum.

Á þessu tímabili

• hafa notendur hvorki aðgang að Mínum síðum á borgarbókasafn.is né leitir.is 
• munu tilkynningar um skiladag eða frátektir ekki berast
• er hvorki hægt að taka frá gögn né framlengja lán
• innkaupabeiðnir sem berast á tímabilinu verða afgreiddar þegar nýja kerfið er komið í gagnið

Í Borgarbókasafninu Úlfarsárdal verður aðeins hægt að taka að láni og skila gögnum á þjónustutíma safnsins, sjá opnunartíma bókasafnanna okkar.

Engar dagsektir reiknast á meðan á innleiðingartímabilinu stendur (30. maí - 13. júní) og því þarf hvorki að hafa áhyggjur af skiladegi né sektum.

Við hvetjum ykkur til að koma í söfnin okkar og skoða úrvalið og nýta aðstöðuna á meðan á innleiðingunni stendur.

Við aðstoðum ykkur með bros á vör!

Netfang: borgarbokasafn@borgarbokasafn.is
Þjónustusími: 411 6100