Young Adult reading

Um þennan viðburð

Tími
17:00 - 18:00
Verð
Frítt
Hópur
Unglingar
Bókmenntir
Spjall og umræður
Ungmenni

UngFó leshringur

Fimmtudagur 3. október 2019

Finnst þér gaman að lesa? Ertu orðin þreytt/ur á því að hafa aldrei neinn að tala við um frábæru (eða lélegu) bækurnar sem þú ert að lesa? UngFó leshringur er vettvangur fyrir ungt fólk sem elskar að lesa og eiga líflegar umræður um bækur. Hópurinn mun hittast fyrsta fimmtudag hvers mánaðar frá kl. 17-18. Hópurinn er opin öllu ungu fólki frá 14-18 ára.

Bækur verða valdar i samráði við hópinn og líklegt að íslenskar jafnt sem enskar bækur verði lesnar.

Bók október mánaðar er Glæpur við fæðingu. Bókin er stórmerkileg saga uppistandarans og þáttastjórnandands Trevor Noah sem ólst upp í skugga aðskilnaðarstefunnar í Suður-Afríku. Sjálf tilvist hans var glæpur, því samband móður hans og föður af ólíkum hörundslit var refsivert á þeim tíma. Trevor segir á heillandi hátt frá æsku sinni og unglingsárum í samfélagi sem enn er í sárum, fyrstu skrefunum í skemmtanabransanum og trúrækinni móður sem opnaði fyrir honum heiminn. Trevor hefur einstakan húmor fyrir sjálfum sér og við lofum að þú munir skella upp úr við lestur á þessari.

5. september - Arftakinn: Skuggasaga eftir Ragnheiði Eyjólfsdóttur

3. október - Glæpur við fæðingu (Born a crime) eftir Trevor Noah

7. nóvember - Bók staðfest síðar

5. desember - Bók staðfest síðar

Nánari upplýsingar og hvar/hvernig er hægt að nálgast bækur hvers mánaðr veitir,
Vala Björg Valsdóttir,
deildarbókavörður barna- og unglingadeildar
vala.bjorg.valsdottir@reykjavik.is
s: 411 6255