Um þennan viðburð
Hrollvekja á Úlfarsfelli | Ganga með Yrsu Sigurðardóttur og tónleikar með Snorra Helgasyni
Í samstarfi við drottningu íslenskra glæpasagna, rithöfundinn Yrsu Sigurðardóttur og verðlaunatónlistarmanninn Snorra Helgason ætlar Borgarbókasafnið í Úlfarsárdal að hætta sér í sannkallaða svaðilför upp á Úlfarsfell.
Á meðan á göngunni stendur mun Yrsa fá hár gönguhópsins til að rísa með sinni alkunnu frásagnakunnáttu. Þegar á toppinn er komið mun Snorri taka á móti hópnum og halda uppi dulúðugri stemmningu á útsýnispallinum með kynngimagnaðri tónlist sinni.
Gönguhópurinn hittist á bílastæðinu við Úlfarsfell í Úlfarsárdal kl. 17:00 (sjá kort neðst á þessari síðu) en gangan upp á útsýnispallinn tekur um klukkustund.
Um kl. 18:00 hefjast tónleikarnir og að þeim loknum, um kl. 18:30 verður gengið niður aftur.
Gert er ráð fyrir að göngunni ljúki um kl. 19:30.
Um að gera að láta hrollinn líða úr sér í Dalslaug þegar niður er komið en laugin er opin til kl. 22:00.
Ekki láta þennan hryllilega viðburð framhjá þér fara!
Öll velkomin.
Tímasetningar:
kl. 17:00: Gönguhópur hittist á bílastæðinu við Úlfarsfell í Úlfarsárdal.
Yrsa Sigurðardóttir, rithöfundur verður í fararbroddi.
kl. 18:00: Tónleikar á Úlfarsfelli með Snorra Helgasyni.
kl. 18:30: Gönguhópur heldur til baka.
kl. 19:30: Göngu lýkur.
Nánari upplýsingar veitir:
Stella Sif Jónsdóttir, sérfræðingur | viðburðir og fræðsludagskrá