Ólafur Egill leiðir göngu um slóðir Ástu Sigurðardóttur
Ólafur Egill leiðir göngu um slóðir Ástu Sigurðardóttur

Um þennan viðburð

Tími
20:00 - 21:30
Verð
Frítt
Hópur
Fyrir öll
Bókmenntir
Fræðsla

Kvöldganga | Um slóðir Ástu Sigurðardóttur

Fimmtudagur 12. ágúst 2021

Ásta Sigurðardóttir var lifandi goðsögn í bæjarlífi Reykjavíkur um miðbik síðustu aldar. Hún ögraði ríkjandi viðhorfum og var óhrædd við að segja hug sinn. Á vegferð sinni mætti hún bæði fordómum og hörku – lífið var ekki alltaf dans á rósum – en goðsögnin sem eftir lifir er djörf og hugrökk kona með von í hjarta.

Í haust verður sett á fjalirnar leiksýning um Ástu í Þjóðleikhúsinu, sem Ólafur Egill Egilsson bæði skrifar og leikstýrir. Ólafur mun að því tilefni leiða bókmenntagöngu um slóðir Ástu Sigurðardóttur þar sem staldrað verður við á nokkrum af þeim stöðum sem hún hafðist við á sinni stuttu, en litríku ævi.

Kvöldgöngur eru viðburðaröð sem Borgarbókasafnið, Borgarsögusafn Reykjavíkur og Listasafn Reykjavíkur standa fyrir. Göngurnar fara fram á fimmtudagskvöldum yfir sumarmánuðina. Lagt er af stað kl. 20 frá Borgarbókasafninu Grófinni, Tryggvagötu 15, nema annað sé tekið fram. Hér má sjá yfirlit yfir göngur sumarsins 2021.

Þátttaka er ókeypis. Við biðjum alla vinsamlegast um að skrá sig í göngurnar, en vísum þó engum frá. Skráning fer fram hér fyrir neðan.

Viðburður á Facebook.

Nánari upplýsingar veitir: 
Halla Þórlaug Óskarsdóttir
halla.thorlaug.oskarsdottir@reykjavik.is