FULLBÓKAÐ! Orðagull | Sagna- og ritlistarnámskeið
Alla þriðjudaga frá 19. október til og með 16. nóvember kl. 17:00-18:30
Ólöf Sverrisdóttir hefur boðið upp á þessi vinsælu námskeið undanfarna vetur með mismunandi áherslu í hvert sinn. Að þessu sinni verður blandað saman sagnalist og ritlist með áherslu á sögur úr eigin lífi. Rifjaðir verða upp áhugaverðir eða eftirminnilegir atburðir úr lífi þátttakenda og í leiðinni er farið í undirstöðuatriði í sagnalist. Kynntar verða ýmsar aðferðir sem hjálpa fólki í að ramma sögurnar inn og gæða þær lífi og litum.
Í framhaldi af þessu verða sögurnar skráðar og farið í nokkur atriði varðandi ritlist. Námskeiðinu lýkur með uppskeruhátíð á degi íslenskrar tungu.
Athugið að fullbókað er í smiðjuna.
Hægt er að skrá sig á biðlista með því að senda tölvupóst á netfangið olof.sverrisdottir@reykjavik.is.
Engar kröfur eru gerðar um fyrri reynslu við ritlist. Allir eru velkomnir, byrjendur og lengra komnir.
Umsjónarmaður er Ólöf Sverrisdóttir leikkona, sögukona og með MA í ritlist
Hámarksfjöldi þátttakenda: 16
Þátttaka er ókeypis en skráning er nauðsynleg.
Nánari upplýsingar:
Ólöf Sverrisdóttir, verkefnastjóri
olof.sverrisdottir@reykjavik.is | 411 6230 / 664 7718