Allar fréttir

Það verður líf og fjöl í menningarhúsum Borgarbókasafnsins dagana 19.-23. október þegar grunnskólar landsins halda vetrarfrí. Í vetrarfríinu gefst krökkum tækifæri á að taka þátt í smiðjum af ýmsum toga eins og skrímslasmiðju og sögusmiðju sem haldnar verða í safninu í Grófinni.

Ertu fædd/ur árið 1987?

Þar varstu heppin/n. Því við ætlum að gefa öllum þeim sem eru fæddir árið 1987 frítt skírteini í Borgarbókasafninu Kringlunni dagana  19. - 31. október í tilefni af 30 ára afmæli Kringlunnar.

Nældu þér í frítt skírteini og fáðu með því aðgang að ógrynni bóka, tímarita, kvikmynda og tónlistar auk aðgangs að Rafbókasafninu og Naxos tónlistarveitunni.

Fædd/ur 1987

Nýlega hófu fjölskyldustundir göngu sína í Gerðubergi og eru þær alla miðvikudaga milli kl. 9 og 11. Foreldramorgnar eru kjörinn vettvangur og tækifæri fyrir foreldra sem eru heima til að kynnast öðrum foreldrum, spjalla og eiga notalega stund í hlýlegu umhverfi. Boðið er upp á kaffi og te, leikföng og bækur fyrir börnin. Reglulega er boðið upp á fjölbreytta fræðslu fyrir foreldra.

Foreldramorgnarnir eru foreldrum að kostnaðarlausu fara fram á 2. hæð safnsins. Með þessari nýjung eru nú foreldrastundir í Grófinni, Sólheimum, Spönginni og Gerðubergi.

Fjölskyldustundir á safninu.

Vegna framkvæmda verður áfram lokað í Borgarbókasafninu í Sólheimum laugardaginn 30. september og mánudaginn 2. október. Opnum klukkan 10 þriðjudaginn 3. október.

Föstudaginn 8. september verður hinn árlegi Bókasafnsdagur haldinn hátíðlegur líkt og undanfarin ár. Í ár verður þema dagsins tengt lýðræðinu "Lestur er bestur - fyrir lýðræðið" þar sem lögð verður áhersla á að vekja athygli á mikilvægi bókasafna í samfélaginu.

Lestrarvinir er nýtt verkefni á vegum safnsins þar sem þeir hjálpa börnum með auka lesskilning þeirra. Sem lestrarvinur heimsækir þú fjölskyldu þar sem þú hjálpar barninu að ná betri tökum á lestri með því að lesa upphátt með því. Lestrarvinurinn heimsækir fjölskyldu barnsins einu sinni í viku, 20 skipti í senn. Þetta er skemmtilegt verkefni sem sameinar fólk auk þess að þjálfa börn með lítinn lesskilning í lestri og glæða áhuga þeirra á honum.  

Fáðu frekari upplýsingar á Fésbókarsíðu Lestrarvina.

Á laugardaginn kemur Söguhringur kvenna saman í Borgarbókasafninu í Grófinni til að hefja nýtt listsköpunarferli. Við hvetjum konur á öllum aldri og af ólíkum uppruna að mæta og vera með og setja sitt mark á heiminn. Íslandskortið sem Söguhringur kvenna bjó til fyrir Kaffitár hefur heldur betur fengið að njóta sín en það eru þó kannski ekki allir sem vita að söguhringurinn eigi heiðurinn af listaverkinu sem prýðir umbúðir og umhverfi fyrirtækisins.

Unnið að Íslandskortinu fyrir Kaffitár

Viðburðaröð Borgarbókasafnsins, Cafe Lingua – lifandi tungumál, hefur teygt anga sína víða og sett svip sinn á samfélagið. Fjölmargir aðilar víða um borgina hafa tekið þátt frá því að þetta fjölmenningarlega verkefni hóf göngu sína. Heill heimur af tungumálum er slagorð verkefnisins og markmiðið er að „afhjúpa” hið fjölbreytta tungumálalandslag Reykjavíkur. Það er þess vegna sérstaklega viðeigandi að sú breyting hafi orðið á verkefninu, að Vigdísarstofnun sé núna formlega orðin aðili að verkefninu.

Café Lingua
Café Lingua - Franska um allan heim
Café Lingua - Tungumálastefnumót
Veröld - hús Vigdísar

Í tilefni Hinsegin daga í Reykjavík vekjum við nú athygli á hinsegin bókakosti safnsins með skemmtilegri og litríkri útstillingu í menningarhúsi Borgarbókasafnsins í Grófinni.

Föstudaginn 11. ágúst kl. 19 leiðir starfsfólk Borgarbókasafnsins göngu um slóðir hinsegin bókmennta í miðborginni. Athugið að dagsetningunni hefur verið breytt til að forðast árekstur við opnunarhátíð Hinsegin daga.

Gangan hefst við Borgarbókasafnið í Grófinni, Tryggvagötu 15.

Þátttaka er ókeypis og allir hjartanlega velkomnir!

Hinsegin bækur á Reykjavíkurtorgi, Borgarbókasafnið Grófinni
Hinsegin bækur á Reykjavíkurtorgi | Borgarbókasafnið Grófinni

Sýningin Borgarbókasafnsins í Gerðubergi Þetta vilja börnin sjá! verður opnuð í Amtsbókasafninu á Akureyri 2. ágúst og stendur hún til 25. ágúst. Frá þessu er greint á fréttavefnum kaffid.is. Þarna verða sýnd myndskreytingar fjölmargra íslenskra listamanna á barnabókum sem komu út síðasta ár.

Sýningin Þetta vilja börnin sjá