Hittumst á safninu og spjöllum saman um daginn og veginn!
Hefur þig einhvern tíma langað að spjalla við ókunnugan, en vissir ekki alveg hvernig á að byrja?
Spjallborð eru nýstárleg lausn sem er hönnuð til að hvetja til félagslegra samskipta og draga úr einmanaleika í samfélaginu. Spjallborðum er ætlað að vera aðgengileg öllum, óháð aldri eða aðstæðum, og bjóða upp á lágan þröskuld til samskipta. Þau skapa þannig vinalegt og opið rými þar sem fólk getur auðveldlega tengst og átt notaleg samtöl.
Spjallborðin verða sett upp á öllum 8 söfnum Borgarbókasafnsins í Viku einmanaleikans 2. – 9. október.
Öll hjartanlega velkomin!
Hver er ávinningurinn?
Spjallborð hafa marga kosti fyrir samfélagið og einstaklinga:
- Dregur úr einmanaleika: Þau veita einfalda og áhrifaríka leið til að draga úr einmanaleika og félagslegri einangrun og stuðla að andlegri vellíðan með því að hvetja til samræðna.
- Eflir samfélagskennd: Með því að auðvelda samtöl milli ókunnugra hjálpa þau til við að byggja upp tengdara og vinalegra samfélag.
- Styður jákvæða andlega heilsu: Að tengjast öðrum getur bætt skap, dregið úr streitu og aukið almenna vellíðan.
Spjallborðum er ekki ætluð til að leysa öll vandamál einmanaleika, en þau eru áhrifaríkt skref í rétta átt. Þau minna okkur á mikilvægi mannlegra samskipta og sýna að stundum er smá hvatning er allt sem þarf til að hefja samtal.