Við bjóðum upp á fullbúið hljóðver og æfingarými í Borgarbókasafninu Úlfarsárdal.
Notendur bókasafnsins geta bókað hljóðverið og notað upptökubúnað safnins ásamt starfsmanni á staðnum til að taka upp og vinna tónlist þeim að kostnaðarlausu.
Þá er einnig hægt að bóka æfingarýmið eitt og sér, þá fylgir starfsmaður ekki með og ekki hægt að taka upp.
Í æfingarýminu má finna gítar, bassa og trommur.
Í hljóðverinu býðst fólki að taka upp og vinna tónlist. Hægt er að taka upp margra manna hljómsveit eða bara vinna upp á eigin spýtur. Allar helstu græjur eru til staðar. Þar á meðal gítar, bassi, trommur, hljómborð, hljóðnemar og hljóðvinnsluforrit.
Borgarbókasafnið Úlfarsárdal býður hópa á leik- og grunnskólaaldri velkomna í heimsókn í hljóðver safnsins. „Hljóðverið“ er fullbúið upptökustúdíó þar sem hóparnir geta skyggnst bak við tjöldin og fengið nánari innsýn í það hvernig tónlist og tal eru tekin upp.
Eftir stutta kynningu á því hvernig hljóðver virka stendur hópunum til boða að taka upp eigið efni með aðstoð tæknimanns af safninu. Hægt að taka upp tónlist, söng, upplestur, hlaðvörp eða bara hvað sem hópunum dettur í hug.
Umsjón með hljóðveri og æfingarými:
Haraldur Ernir Haraldsson
haraldur.ernir.haraldsson@reykjavik.is