Tengivirkið lógó

Tengivirkið

Markmið Tengivirkisins í Kringlunni er að auðvelda ungu fólki, sem hefur annað móðurmál en íslensku (AM), aðlögun að samfélaginu og auðvelda tengslamyndun við nærumhverfið og hvert annað. Þátttaka er ókeypis.

Hópurinn hittist í umræðuhópum og gerir eitthvað saman. Við höfum t.d. þegar unnið að ferilskrárgerð, lært smá íslensku og farið í bíó en á döfinni í haust er m.a. að fara á söfn, spila borðspil, búa til minnisbækur og fá heimsóknir frá áhugaverðum aðilum.

Verkefnið er unnið í samstarfi við Þjónustumiðstöð Laugardals og Háaleitis en umræðuhóparnir eru einungis einn liður í stærra verkefni sem Þjónustumiðstöðin leiðir. Þetta nýsköpunarverkefni er hluti af þróun bókasafnsins sem opins rýmis, þar sem við sækjumst eftir að notendur komi að dagskrárgerð og geri rýmið að sínu eigin.

Fyrir hvern er þetta verkefni?
Ungt fólk sem er með annað móðurmál en íslensku (AM).

Hvenær?
Við hittumst á fimmtudögum milli 16-17.

Hvar?
Viðburðirnir eru á Borgarbókasafninu í Kringlunni, þó með einhverjum undantekningum.

Dagskrá birt með fyrirvara um breytingar.

9. september       Kynning á starfsemi Munasafnsins (Reykjavík Tool Library)
23. september    Heimsókn á Landnámssýninguna 
7. október             Teiknismiðja með Kristínu Arngrímsdóttur
14. október          Teiknismiðja með Kristínu Arngrímsdóttur
18. nóvember      Minnisbókagerð með Katrínu Helgu
25. nóvember      Minnisbókagerð með Katrínu Helgu
9. desember         Jólaföndur og heitt súkkulaði

Frekari upplýsingar
Hólmfríður María Bjarnardóttir
Deildarbókavörður / Verkefnastjóri
holmfridur.maria.bjarnardottir@reykjavik.is