Hlaðvarp Borgarbókasafnsins

Í hlaðvarpi Borgarbókasafnsins skrafar starfsfólk safnsins um nýjar bækur og gamlar, barnabækur, þáttaraðir og hvaðeina sem fyrir augu okkar kemur hér á safninu. Í fyrstu þáttaröðinni sóttum við innblástur í Íslandskort bókmenntanna og lögðum upp í hringferð um landið, þar sem við beindum sjónum okkar að safnkosti sem tengdist hinum ýmsu áfangastöðum. Næst voru það leikhúsbókmenntirnar, Bókmenntir augnabliksins, sem tóku við, og í aðdraganda jólabókaflóðsins 2017 buðum við til okkar ungum lestrarhestum til skrafs um nýjar barnabækur og bættum við nýrri rás með Jóladagatali Borgarbókasafnsins. Einnig fjöllum við reglulega um skemmtilegar hugmyndir sem við fáum gegnum Facebook síðuna okkar á föstudögum. Stöðugt bætist í sarpinn enda af nægu lesefni að taka í aðfangadeild Borgarbókasafnsins! 

Upptökur fara að mestu leyti fram í Kompunni, hlaðvarpsstúdíóinu okkar í Grófinni. Viltu vita meira? Hafðu samband í hladvarp@borgarbokasafn.is eða bókaðu aðgang að Kompunni

Hlaðvarpið er aðgengilegt á Spreaker og iTunes, og í öllum helstu hlaðvarpsforritum, undir notandanafninu Borgarbókasafnið. Góða hlustun!