Verkstæðið Grófinni

Verkstæðið í Grófinni er tilvalið fyrir þau sem hafa áhuga á tónlist og myndvinnslu. Verkstæðið er fullbúið iMac tölvum og midi hljómborðum, með tónlistarforritum eins og Ableton Live, GarageBand, Logic Pro X og Reaper. Einnig er hægt að semja eigin tónlist og taka upp.

Hér getur þú skoðað græjurnar sem eru í boði, og bókað tíma ef þér líst á.

Fyrir þau sem hafa áhuga á margmiðlun er aðgangur að Adobe Creative Suite og Final Cut Pro fyrir margskonar myndvinnslu og hönnun.

Við mælum með því að mæta á Fiktdaga ef þú ert að taka þín fyrstu skref eða ef þig vantar aðstoð við að læra á þau tól og tæki sem Verkstæðið hefur upp á að bjóða. 

Líttu við á 5tu hæðinni í Grófinni - verkstæði, hlaðvarpsstúdíó, myndasögur, spil og vínyll!