Bókasnakk | fræðsla að vori

Við bjóðum 8-12 ára börnum í heimsókn ásamt kennara að kynnast safninu og starfsemi þess með því að koma í heimsókn á safnið í hverfinu sínu. 

Við bjóðum börnunum í kynningu og spjöllum við þau um nýjar og áhugaverðar bækur. Börnin fá smá smakk á öllu því sem okkur finnst mest spennandi fyrir þau í þeim tilgangi ýfa upp lestrarhungrið fyrir sumarið.  Í kjölfarið kynnum við sumarlestur safnsins og í lok kynningarinnar skoðum við saman barnadeild safnsins þar sem við sýnum þeim bækur og hjálpum þeim að finna eitthvað skemmtilegt að lesa.

Við hvetjum kennara allra skólastiga til að kynna sér hvað menningarhús Borgarbókasafnsins hafa upp á að bjóða og hafa heimsóknir á bókasafnið sem fastan lið í kennslunni. Söfnin eru sannkallaðir griðastaðir fyrir börn þar sem þau geta leitað eftir afþreyingu, hitt vini sína, unnið heimavinnuna eða tekið þátt í skapandi verkefnum.

Nánari upplýsingar um safnfræðsluna veita barnabókaverðir á hverjum stað.
Hægt er að senda fyrirspurnir á fraedsla@borgarbokasafn.is

Verkefnastjóri barnastarfs er Ingibjörg Ösp Óttarsdóttir, ingibjorg.osp.ottasrsdottir@reykjavik.is